Ալմազային պիլինգը ալյումինի օքսիդի կրիստալների (կորունդ) միջոցով կատարվող պրոցեդուրա է, որը հայտնի է նաև դերմաբրազիա անվանումով։
Առավելությունները
- Արագ
- Անցավ
- Ոչ տրավմատիկ
- Չի առաջացնում թեփոտում
- Չունի վերականգնման շրջան
- Կարելի է կատարել դեմքի (ներառյալ կոպերը) և մարմնի (պարանոց, դեկոլտե, ձեռքեր, արմունկներ) ցանկացած հատվածում
Ցուցումներ
- Անհարթություններ
- Մանր կնճիռներ
- Ակնեի հետքեր
- Լայնացած ծակոտիներ
- Մակերեսային պիգմենտացիա
Հակացուցումներ
Ոչ ինվազիվ ազդեցության շնորհիվ ալմազային պիլինգի դեպքում հակացուցումները քիչ են։
- Մաշկի վնասվածքներ
- Բորբոքային պրոցեսներ
- Շաքարախտ
- Լայնացած անոթներ
Պրոցեդուրայի տևողությունը՝ առավելագույնը 60 րոպե
Հաճախականությունն անհատական է։ Երբեմն 2-3 ամիսը մեկ անգամ անելը բավական է։
Լուրջ խնդիրների դեպքում կարող է անհրաժեշտ լինել մոտ հինգ այց՝ 1-2 շաբաթը մեկ անգամ հաճախականությամբ։
Մաշկի խնամքի կանոնները դերմոբրազիայից հետո.
- Առաջին օրը խորհուրդ է տրվում դեմքը լվանալ սառը ջրով և մաշկը սրբել առանց ալկոհոլի պարունակության տոնիկով։
- Առաջին օրվա ընթացքում խորհուրդ է տրվում չդիմահարդարվել և չօգտագործել որևէ կոսմետիկ միջոց՝ ծակոտիները չխցանելու համար։
- Պրոցեդուրայից հետո մեկ շաբաթվա ընթացքում խորհուրդ չի տրվում օգտագործել ալկոհոլ, գլիկոլաթթու կամ ռետինոլ պարունակող կոսմետիկա։
- Մեկ շաբաթվա ընթացքում անհրաժեշտ է խուսափել ջերմաստիճանի կտրուկ փոփոխություններից և չայցելել սաունա և բաղնիք։
- Մեկ շաբաթ հրաժարվեք սոլյարիներից և երկարատև բաց արևի տակ մնալուց։
Նախքան տանից դուրս գալը, անպայման քսեք SPF 30 և ավելի SPF պարունակող քսուք (նույնիսկ ամպամած եղանակին):