Գեղեցիկ ժպիտ ունենալու հիմքում առողջ ատամներն են։ Կորցրած ատամը ոչ միայն փչացնում է ժպիտը, այլև բազմաթիվ խնդիրների առաջ է կանգնեցնում։ Հատկապես ծամող ատամների բացակայությունը ծանրաբեռնում է հարակից ատամները, ինչի արդյունքը լինում է ատամների թուլացումը, կծվածքի փոփոխությունն ու կարիեսի առաջացումը։
Այս խնդիրները լուծելու համար օգնության է գալիս իմպլանտոլոգիան, որը ատամները վերականգնելու ժամանակակից լավագույն մեթոդներից մեկն է։
Իմպլանտացիան վիրահատական գործընթաց է, որի ժամանակ ծնոտի հյուսվածքի մեջ տեղադրվում են հատուկ ատամնաբուժական քորոցներ (արմատի դեր են կատարում)։ Այնուհետև այդ քորոցին ամրացվում է պսակ, և ստացված դիմացկուն կոնստրուկցիան ամբողջությամբ փոխարինում է կորցրած ատամին:
Իմպլանտը պատրաստվում է բարձրորակ տիտանից, այն հիպոալերգեն է և որևէ բարդություն չի առաջացնում:
Արհեստական արմատը պատվաստելուց հետո դրա վրա տեղադրվում է հենարան, որը իմպլանտի և պսակի միջանկյալ հատվածն է:
Իմպլանտների մոտ 99%-ը հաջողությամբ արմատավորվում է առանց որևէ բարդության:
Ինչպես ցանկացած վիրահատության, այնպես էլ ատամնային իմպլանտացիայի դեպքում պացիենտը համալիր հետազոտություն է անցնում։
Եթե հետազոտության արդյունքները նորմայում են ու չկա որևէ հակացուցում, նշանակվում է վիրահատություն, որը կարող է ընթանալ մեկ կամ երկու փուլով։
