Մկանների խթանումն ապարատային պրոցեդուրա է՝ մկանային հյուսվածքի վրա ցածր հաճախականության միկրոհոսանքների ազդեցությամբ:
Սարքի արհեստական ազդակներն օրգանիզմն ընկալում է բնական, ինչի արդյունքում մկանները սկսում են կծկվել, մարմինը ստանում է ծանրաբեռնվածություն՝ առանց որևէ աշխատանք կատարելու։
Ցուցումներ
- Վերականգնում տարբեր տեսակի վնասվածքներից հետո
- Հյուսվածքների այտուցվածություն
- Կենտրոնական նյարդային համակարգի հիվանդություններ
- Հենաշարժողական ապարատի վնասվածքներ՝ ողնաշարի մկանների թուլության հետևանքով
- Մկանային կծկումներ
- Սիրտ-անոթային հիվանդություններ, արյան շրջանառության խանգարում
- Մաշկի և ենթամաշկային հյուսվածքների սնուցման խանգարում
Ապարատային միոխթանումների առավելությունները
- Նպաստում են լուրջ հիվանդությունների բուժմանը
- Ֆիզիկական տոկունության բարձրացմանը սպորտում
- Բարելավում են մարմնի էսթետիկ տեսքը
Նախատեսված են ինչպես ընդհանուր օրգանիզմի, այնպես էլ մարմնի առանձին հատվածների համար:
Հակացուցումներ
- Օտար մարմինների առկայություն (սրտի ռիթմավարներ, մետաղական իմպլանտներ և այլն)
- Ուռուցքային հիվանդություններ
- Լյարդի ու երիկամների սուր անբավարարություն
- Երիկամներում ու լեղապարկում քարերի առկայություն
- Երակային խնդիրներ
- Արյան հիվանդություններ
- Հղիություն
- Էպիլեպսիա
Արդյունք
- Տոնուսավորում է մարմնի մկանները
- Կարգավորում է արյան շրջանառությունը՝ վերականգնելով մաշկի, ենթամաշկային հյուսվածքների ու մկանների սնուցումը
- Արագացնում է նյութափոխանակության գործընթացը՝ 10 անգամ ավելացնելով էներգափոխանակությունը
Պրոցեդուրայի տևողությունը՝ 10-20 րոպե
Անհրաժեշտ արդյունքի հասնելու համար պահանջվում է 10-25 պրոցեդուրա։
Պրոցեդուրան կարելի է կատարել 2 օր ընդմիջումով։ Դա անհրաժեշտ է, որպեսզի օրգանիզմը վերականգնվի, իսկ մկաններն ազատվեն ծանրաբեռնվածությունից։
