Բժշկական տուրիզմը` բժշկական ծառայություններ ստանալու նպատակով այլ տարածաշրջաններ կամ երկրներ այցելելու պրակտիկան է: Այս երևույթն առաջացել է այն պատճառով, որ աշխարհում բժշկությունը զարգանում է անհավասարաչափ։ Մենք կթվարկենք այն հիմնական պատճառները, որոնք դրդում են մարդկանց մասնագետներ փնտրել արտերկրում։
1. Որոշ երկրներում բժշկական ծառայությունները համեմատաբար ավելի մատչելի են: Բժշկական տուրիզմը գումար խնայելու միջոց է։
2. Ժամանակակից և որակյալ բժշկության հասանելիություններ։ Որոշ երկրներ ավելի նախընտրելի են որպես բուժման վայր՝ առողջապահության բարձր չափանիշների, ժամանակակից տեխնոլոգիաների ու առաջատար բուժման մեթոդների կիրառության պատճառով:
3. Որոշ երկրներում բժշկական օգնություն ստանալու ընթացակարգը շատ ժամանակ է զբաղեցնում: Մարդիկ նախընտրում են դիմել արտերկրի կլինիկաներ՝ բուժումն արագացնելու համար։
4.Հանգստի հետ համադրելու հնարավորություն:
5. Հայրենիքում անհրաժեշտ ծառայությունների բացակայություն։
Բժշկական տուրիզմը ունի և առավելություններ, և թերություններ։ Նման ճանապարհորդություն պլանավորելիս կարևոր է հաշվի առնել մասնագետի որակավորումը և բժշկական հաստատության հուսալիությունը։
Բժշկական տուրիզմը Հայաստանում
Դեռ խորհրդային տարիներից, գիտակ մասնագետների շնորհիվ, Հայաստանն ուներ բարձր համբավ բժշկության ոլորտում: Մեր երկրի բժիշկները մինչ օրս հաջողությամբ պահպանում են այդ դրական համբավը:
Հայաստանը գրավիչ է բժշկական զբոսաշրջության համար հետևալ պատճառներով․
1. Որակյալ բժշկական ծառայություններ: Հայաստանի շատ բուժհաստատություններում աշխատում են բարձր որակավորում ունեցող բժիշկներ և կիրառվում են ժամանակակից սարքավորումներ:
2. Մատչելություն: Հայաստանում բժշկական ծառայությունների արժեքը արևմտյան երկրներից զգալիորեն ցածր է։
3. Հայաստանը հարուստ է պատմական հուշարձաններով, մշակույթով և հայտնի հյուրընկալությամբ՝ դա գրավիչ է դարձնում մեր երկիրը այն անձանց համար, ովքեր ցանկանում են համատեղել առողջական խնդիրների լուծումը զբոսաշրջության հետ:
4. Հայաստանի աշխարհագրական դիրքը հարմար է Եվրոպայի և ԱՊՀ երկրների բուժզբոսաշրջիկների համար:
5. Հայաստանը հայտնի է իր առողջարաններով՝ հանքային աղբյուրներով, որոնք արդյունավետ նպաստում են առողջության վերականգնմանը:
6. Զարգացած ստոմատոլոգիա: Օտարերկրացիները հաճախ են այցելում Հայաստան՝ ստոմատոլոգիայի ոլորտում որակյալ և մատչելի բժշկական օգնություն ստանալու նպատակով։ Հայաստանում հասանելի են ատամնաբուժական ծառայությունների լայն շրջանակ՝ օրթոդոնտիա, իմպլանտացիա, էսթետիկ ստոմատոլոգիական պրոցեդուրաներ և տարբեր տեսակի ատամնաբուժական վիրահատություններ:
7. Մասնագետների պրոֆեսիոնալ, մարդասիրական, բարեխիղճ վերաբերմունքը պացիենտների նկատմամբ:
