ՍՏՈՄԱՏՈԼՈԳԻԱ

Օրթոդոնտիան ստոմատոլոգիայում

Առողջ և գեղեցիկ ատամները ցույց են տալիս, որ ամեն ինչ կարգին է մարդու առողջության հետ։ Ատամների գեղեցկությունն ու առողջությունը վերականգնելու համար կօգնի ստոմատոլոգիայի հատուկ բաժինը՝ օրթոդոնտիան։

Ներկայումս օրթոդոնտիան ունի գործիքակազմի և մեթոդների լայն ընտրություն սխալ կծվածքի հետ կապված խնդիրները լուծելու համար։

Ո՞ր դեպքերում պետք է դիմել օրթոդոնտի

Նեղ պրոֆիլի մասնագիտացում ունեցող բժիշկ-օրթոդոնտի օգնությամաբ շտկվում են հետևյալ պաթոլոգիական խնդիրները․

• ատամների դիրքի հաջորդականության կամ համաչափության խախտումներ,
• ատամների ձևի և չափի անոմալիաներ,
• առանձին միավորների սխալ դիրք,
• ատամների ոչ ճիշտ աճ,
• հիպոպլազիա, լնդերի հյուսվածքի հիպերպլազիա,
• շնչառության դժվարացում ատամնածնոտային խնդիրների հետևանքով,
• ծնոտի մեխանիկական վնասվածքներ,
• Խոսելու ֆունկցիայի և ծամելու մկանների աշխատանքի հետ կապված խնդիրներ:

Այս բոլոր թերություններն ինքնուրույն չեն անհետանում, ուստի պետք է հնարավորինս շուտ սկսել բուժումը: Մանկահասակ տարիքում օրթոդոնտիկ խնդիրների շտկումը շատ ավելի հեշտ է և ազատում է մի շարք բարդացումներից, քան ավելի հասուն տարիքում։

Սխալ կծվածքի պատճառները

Սխալ կծվածքը կարող է հանգեցնել տարբեր հետևանքների՝ սկսած խրոնիկական գլխացավերից մինչև աղեստամոքսային տրակտի հիվանդություններ: Սխալ կծվածքի պատճառով առաջանում են խոսքի արատներ, հաճախակի շնչառական հիվանդություններ, ատամների քայքայում, այդ թվում՝ կարիես։

Սխալ կծվածքի առաջացման ամենատարածված պատճառներեն են․

• ժառանգական նախատրամադրվածություն,
• ատամների ծկթման ուշացում,
• տրավմաներ,
• վատ սովորություններ՝ մատերը ծծելը, շուրթերը կամ այտերը կծելը և այլն:

Ինչպե՞ս շտկել կծվածքի թերությունները

Սխալ կծվածքի ուղղումը տեղի է ունենում հետևյալ սխեմայով.

• նախնական խորհրդատվական քննություն,
• կատարվում է ռենտգեն հետազոտություն,
• կաղապարների միջոցով ստացվում է ծնոտի մոդելը,
• 3D սկանավորումը տալիս է ծնոտի ճշգրիտ չափսերը,
• լուսանկարչությունը թույլ է տալիս գնահատել պացիենտի արտաքին տեսքի փոփոխությունը բուժումից առաջ և ընթացքում,
• դիագնոստիկայի փուլում կատարված հետազոտությունների հիման վրա բժիշկն ընտրում է բուժման եղանակն ու նախապատրաստում պացիենտին,
• հաջորդ փուլում ապարատը տեղադրվում է բերանի խոռոչում,
• բժիշկը հետևում է բուժման ընթացքին և խնդիրներ հայտնաբերելու դեպքում կանխարգելում։
• ավարտի փուլում հանվում է ապարատն ու պացիենտն ունենում է ցանկալի արդյունք, որը բավարարում է և՛ էսթետիկ, և՛ բժշկական տեսանկյունից։

«Կամար» ստոմատոլոգիական կլինիկայում այս ամենը կատարվում է բարձր պրոֆեսիոնալիզմ ունեցող մասնագետների ու նորագույն սարքավորումների շնորհիվ՝ ապահովելով ծառայության բարձր որակ։ Պատահական չէ, որ ամեն տարի ունենում ենք հարյուրավոր պացիենտներ, որոնք գոհունակ, լայն ու գեղեցիկ ժպիտով են հեռանում մեր կենտրոնից։